(យ៉េរៃសាឡឹម)៖ វិនាសកម្មដ៍ឈឺចាប់របស់ពលរដ្ឋស្លូតត្រង់ជាម្ចាស់ប្រទេសប៉ាឡេស្ទីន ទទួលរងទុក្ខសោកយ៉ាងខ្លោចផ្សា ដោយសារសង្គ្រាមរវាងអ៊ីស្រាអែល និងហាម៉ាស ដោយនេះគិតមកដល់ថ្ងៃទី១០ ខែតុលា ឆ្នាំ២០២៣ ពលរដ្ឋជិត១៤ម៉ឺននាក់កំពុងស្នាក់នៅក្នុងជម្រកយ៉ាងវេទនានៅតំបន់ហ្គាហ្សា។
នេះបើតាមសេក្ដីរាយការណ៍របស់ទីភ្នាក់ងារជំនួយ និងការងាររបស់អង្គការសហប្រជាជាតិ (UNRWA) ។ ទីភ្នាក់ងារនេះបាននិយាយថាសាលារៀនរបស់ UNRWA ចំនួន ៨៣កន្លែងត្រូវបានប្រែក្លាយទៅជាជម្រកភៀសខ្លួន។
UNRWA ក៏បាននិយាយផងដែរថា មជ្ឈមណ្ឌលចែកចាយអាហារទាំង១៤របស់ខ្លួន ដែលមានលទ្ធផលជួយមនុស្សបានកន្លះលាននាក់ មិនបានទទួលជំនួយអាហារសំខាន់ៗនោះទេ។
អ៊ីស្រាអែលបានបើកការវាយប្រហារនៅតំបន់ហ្គាហ្សា បន្ទាប់ពីការវាយប្រហារដ៏ គួរឱ្យភ្ញាក់ ផ្អើលរបស់ក្រុមហាម៉ាសកាលពីចុងសប្តាហ៍ ដោយរដ្ឋមន្ត្រីការពារជាតិអ៊ីស្រាអែលលោក Yoav Gallant បានបញ្ជាឱ្យឡោមព័ទ្ធទាំងស្រុងនៃតំបន់ហ្គាហ្សា។
ហ្កាហ្សាស្ទ្រីបត្រូវបានកាត់ផ្តាច់ស្ទើរតែទាំងស្រុងពីពិភពលោកអស់រយៈពេលជិត ១៧ ឆ្នាំ៕
