(ភ្នំពេញ)៖ នាយកលេខាធិការដ្ឋាន វិទ្យាស្ថានតំបន់អាស៊ី-ប៉ាស៊ីហ្វិក ដើម្បីអភិវឌ្ឍប្រព័ន្ធផ្សព្វផ្សាយ AIBD លោកស្រី ហ្វីឡូមីណា ញាណាប្រាហ្គាសាម PhiloMena Gnanapra Gasam ) បានប្រគល់ពានរង្វាន់កោតសរសើរ «AIBD Appreciation Award 2023» សម្រាប់ប្រទេសកម្ពុជា ពិសេសក្រសួងព័ត៌មាន ។
ការប្រគល់ពានរង្វាន់នេះ ពានរង្វាន់នេះ គឺជាការទទួលស្គាល់ការខិតខំប្រឹងប្រែងជាប់លាប់របស់កម្ពុជា ក្នុងការបន្តបេសកកម្មរបស់ AIBD ពង្រឹងកិច្ចសហប្រតិបត្តិការ ក្នុងតំបន់លើវិស័យព័ត៌មានឲ្យមានការរីកចំរើនរយៈពេល២២ឆ្នាំកន្លងមកនេះ ។ ពិធីប្រគល់នេះធ្វើឡើងថ្ងៃទី២៦ ខែតុលា ឆ្នាំ២០២៣ នាទីស្តីការក្រសួងព័ត៌មាន។
ខាង AIBD សន្យាបន្តជួយធ្វើការបណ្តុះបណ្តាលធនធានមនុស្សលើវិស័យព័ត៌មាន រួមទាំងការចូលរួមប្រយុទ្ធប្រឆាំងព័ត៌មានក្លែងក្លាយ និងការលាងលុយកង្វក់។
រដ្ឋមន្ត្រី នេត្រ ភក្ត្រា បានវាយតំលៃខ្ពស់ចំពោះកិច្ចសហប្រតិបត្តិការគ្នាយ៉ាងល្អ រវាងក្រសួងព័ត៌មានកម្ពុជា ជាមួយ AIBD អស់រយៈពេលជាច្រើនឆ្នាំមកនេះ ហើយលោកនឹងបន្តគាំទ្រ ដល់កិច្ចការងាររបស់ AIBD ទៅមុខទៀត។ តាមរយៈនេះដែរ លោកសង្ឃឹមថា AIBD នឹងបន្តជួយដល់ក្រសួងព័ត៌មាន លើការងារបណ្តុះបណ្តាលធនធានមនុស្សបានកាន់តែច្រើនបន្ថែមទៀត ព្រោះក្រសួងមានទីតាំងសមរម្យ ជាវិទ្យាស្ថានសម្រាប់កិច្ចការងារបណ្តុះបណ្តាល ដោយគ្រាន់តែខាង AIDB បញ្ជូនគ្រូបង្គោល មកឧទ្ទេសនាមពន្យល់បង្ហាត់បង្រៀនគឺជាការល្អ ហើយចំណាយតិចផងដែរ៕
